Dikt
Jeg liker å skrive. Før, for lenge siden, skrev jeg dikt, nå skriver jeg spalter i aviser og slikt. PS. Våren 2020 hadde jeg prolaps, og da fikk jeg skrevet ca 40 nye dikt :-)
Se boklenker på lokalsiden vår
Tute og køyre (28.1.20)
Du, no ska du høyre
kan du ikkje køyre fint
i svingen der burte
Rypa plar beite der, i vegkanten
Nei, eg vil tute og køyre
Du, no ska du høyre
kan du ikkje byggje mindre
i randsonene til fjellet
Reinen plar beite der, særs
når det isar
Nei, eg vil tute og køyre
Men, vil du slett ikkje høyre?
Nei, eg vil tute og køyre
Alt dette vakre (29.1.20)
Alt det du ser, son
kan verte hyttebyar, flyplassar, parkering
Eller det kan vera som det er,
far - alt dette vakre
Vi må kanskje ikke berre
ha meir - og meir
men bruka det vi har
beitene, fiskevatna, den levande naturen
Alt dette vakre
Naturens verdi (23.2.20)
Ti millionar kroner
pengar som er gode å ha
Men far, eg elskar naturen
det er den som gjer meg glad
Ti millionar kroner
pengar som er gode å ha
Men far, eg elskar naturen
ikkje tivoli og spa
Ti millionar kroner
pengar som er gode å ha
Men far, eg elskar naturen
du må høyre kva eg sa
Ti millionar kroner
pengar som er gode å ha
Men far, eg elskar naturen
eg vil leva her kvar dag
Eg vil leva her kvar dag
Er det plass til meg (25.2.20)
De menneskje
de vil ha meir
de vil ha vekst
- ikkje berre mat og seng
Eg undrast-
er det plass til fuglar-
er det plass til meg?
Sin plass (27.2.20)
Det er plass til reinen
det er plass til kyr
det er plass til fuglar
-og ville dyr
Menneskjer - har og sin plass
men lag no hus-
og ikkje palass
La oss tenkje-
når vi "shoppar" og flyr
det må vera plass og
til fuglar og dyr
Dei store flatene (28.2.20)
Over kvite vidder
eit himmelrik
under kvite skyer
så himmelsk rik
Ein gløymer vel aldri
minner som det
sjølv om sommaren kjem
og snø bli bre
Minne (3.4.20)
So står fjella der
som bauta
over dei me mista
I morgon stig sola igjen
Ein song frå fjellet (27.4.20)
Flyg meg inn på vidda
ja, gje meg sjelefred
eg saknar eim av lyng, og
vil gjerne skode bre
Kose meg med synet
av sola som går ned
la draumen møte natta
la kroppen finne fred
Ja, gje meg slike dagar
då fjellet opnar seg
då det kjem nye fargar
og sola viser veg
Eg trivst so godt der inne
blant mose og blant lyng
det brenn seg fast i sinnet
ein song som fjellet syng
Blåtimen (13.5.20)
Det er tidleg
morgon
eg vandrar på
min veg
eg minnes sorg
og glede
det er kjensler
i kvart steg
det er kjensler
i kvart steg
Det store spelet (2.6.20)
Det store spelet
- dyr og fuglar
eng og mo, myr og fjell
Me kan ikkje rasera
tru at alt går bra
- likevel
Me må taka vare
fara fint -
det finst liv i lyngen
sjølv der det er skrint
Djupt i meg (5.6.20)
Djupt i meg
bålet og elden
Djupt i meg
stilla om kvelden
Djupt i meg
dyra på groen
Djupt i meg
lauvsprett på moen
Ljåen (9.6.20)
Ljåen skjer
rett ov
inga bøn
inga akedering
rett ov
Ingen diplomat - akkurat
Fjellskoen (11.6.20)
Alltid klar
ein arbeidskar
var - og varm om foten
Opp det bar
i gamle far
den neste høgdekoten
Liv og øyde (12.6.20)
Øydelegga
legga øyde
Kva er vel livet
utan fossekallen
utan havørna
utan reinflokkane
Utan naturlyd
- og utan stilla?
Fjellet (13.6.20)
Inne i fjellet
finn eg alt
og ingenting
- kva meir skulle ein be om?
Utvikling (19.6.20)
Elgkua snudde seg
- vår veg
kalven skjøna
Men so
der framme
stengt, maskinar
- kva no?
Sameksistens (20.6.20)
Himmelantennene
knytte jord og himmel saman
Titusenar av år
på leit etter mat
Spar denne naturen
Spar denne kulturen
Heim (25.6.20)
Det kalla
det ville
Einsemda
stille
Stor-stjerna
helste
Samkjensla
frelste
Kulturen
vår broder
Naturen
vår moder
Stølsbua (26.6.20)
Mellom det tamme
og ville
Mellom larm
og stille
Mellom det me ser
og anar
Mellom fridom
og ansvar
Me er gjester -
heimatt til Mikkelsmess
Vekst (27.6.20)
Alt er vorte so stort no
- gigantløner, flyplassar
og slikt
- Ja, eg høyrer det, sa Nils
so gjekk han for å stelle
sauene og hønene
Hesje (30.6.20)
Dei var staur
som sprikte
Snart sto dei
på geledd
Utbygging (1.7.20)
Grådyra sitt trekk
sidan pyramidane
hundreår etter hundreår
- so var det slutt
Menneska tok det
Trekk (5.7.20)
Grådyra sitt trekk
sidan den store isen
hundreår etter hundreår
- so var det slutt
Menneska tok det
Trekk (25.7.20)
Grådyra sitt trekk
sidan den store isen
No var det slutt
- framskrittet tok det
Bygga (26.7.20)
Dei ville bygga
for eva
Dei ville bygga
for borna
Audmjukt
ærbødig
- sin vesle plass
I vegen (27.7.20)
Det gamle huset
stod i vegen for
den nye vegen
Fleire vegar
nye vegar
større vegar
Det gamle huset
stod i den nye vegen
Fellingsløyve (rein) (29.7.20)
Dei vart felt
av nok eit
hyttefelt
Kveldsro (21.8.20)
Dei mangla ikkje noko
dei hadde eld
Stjernene ga mening nok
- det var kveld
-------------
Eit nytt år (31.12.20)
Kvifor finst noko i det heile
Univers, solsystem, Jordklode – alt slikt
Kvifor?
Kva er denne stemma i hovudet mitt, ein tenkjar
Pratar om ting... kva er det, kvifor det, og slikt
Andre gonger berre er eg,
berre ser eg
Framfor bålet
Stille
Vente på det nye året?
Gardskatten (25.2.20)
Ein gamalklok
"gentleman" av
ein gategut
Utferd (27.2.20)
Eg var'kje redd
eg drog ut
visste om farar
men var jo gut
Ville sjå-
koss det var
ute i verda
i andre far
I båt (4.2.20)
Utan armar
kan vi ikkje
kara til oss
Utan årer
kan vi ikkje
ta oss fram
Vi treng både armar
og årer-
og vissa:
i den store båten sit vi saman
"Findag" (19.2.20)
Fjellbygda funklar
- fjellbunad, findag
Det er fred
- og fest
Barneleik (9.2.20)
Eg såg det, biletet
Dei leika blant bomber
ikkje blant blomar
Eg ville, biletet
skulle takast om att
i ei rettvis verd
Kleggen (14.6.20)
Eg sat og drøymde
i vasskanten
Tid og tankar
flaug av stad
Med eitt stakk det til
i ryggen
Du er ikkje åleine
- må veta
Eit liv (29.2.20)
Eg hadde mine draumar
eg verka i mi tid
eg lærte og eg jobba
med hastverk - og med flid
Eg hadde mine sjansar
til å få noko til
eg lukkast og eg bomma
med bannskap og med smil
So la no desse versa
bli ståande som her
fortelje noko om at
det vart no som det er
Mangfald (9.2.20)
Ein skulegard
ei blomstereng
kjære mangfald
du engleveng
Morgonstund (20.4.20)
Han vakna
Den friske lufta
bar bod om liv
-om æve
Dette utsynet
denne rikdomen
gledde han
gledde sjela hans
Mangla ingenting (12.2.20)
Eg rulla ut soveposen
stjernehimlen over meg
Popmusikk, heilage bøker
ikkje då
-eg mangla ingenting
Segle (2.3.20)
Eg segla på ei sky-
eg var lett og eg var glad
-flaug over land og by
det var utsikt til kvar stad
Dette - det var livet
-og det som bakom er
ein vil jo berre segle
-i slikt eit segle-ver
Akedag (6.3.20)
Det er so moro
du kan'kje tru det
aka beint fram
og kanskje snu deg
Snurre rundt som ei
klinkekule-
det er so moro
ja, heilt utruleg
Vekst (6.2.20)
Meir elg
kvart år
større beiteområde
kvart år
større avling
kvart år
Nei, son,
gløym denne tanken om stadig meir vekst
Me må dele på det me har
forvalte med kjærleik og klokskap
Morgon (24.4.20)
Vakna opp
fritt utsyn
Landskapet snakka til meg
om alt som er
om æva
om gleda
Eg kjende ei ro
som også stjernehimlen
-kan gje meg
Fjellkvil (13.2.20)
Der oppe
hjå ørnene
Kjende meg så lett
inga bør
berre fridom
-tankefridom
Æva ved elden (9.3.20)
Eg sakna
bålet
lyset i
kvelden
Æva ved
elden
Dette vi har (11.2.20)
Mor mi
molda, utmarka, fjordane
far min
den blå himmelen
La oss taka vare på dette
La oss dele
med to- og firbeinte
og dei som kjem etter oss
No skjer det (24.2.20)
No kjem eg
ropar sola ein morgon
det er vårvinter
sein februar
Vi ventar
-på svarttrost og bokfink
dei kjem snart - vil
gjere seg klar
Solkonge (11.2.20)
Eg vil bestemme
eg veit jo svara
vil ikkje høyre
men makt bevara
Eg veit jo best-
eg veit jo best..
Medskapning (2.3.20)
Sett deg gjerne ned her
la meg gje deg eit smil
du er bra som du er
glad for at du er til
Saman (21.2.20)
Vedomnen varma
Vinden varsla
om ver
Vi vart der vi var
med omn og ved
Vedkubbane (10.6.20)
Ein kubbe her
ein kubbe der
Ein gong var vi eitt
og vi skal gjera jobben saman
Skapa trivsel, berga liv
Det er saman vi lukkast
Fjellrev-tid (1.3.20)
Eg kvilte augo
på holet i snøen
-tida stod stille-
medan ho gjekk
Like før midnatt
-kom det til syne
eit kvitfarga hovud
som opp av ein sekk
Lange liner (10.2.20)
Daudisgropa
frå istida
-ikkje frå IKEA
Dørhella (6.6.20)
Dørhella
-slitaren
fer stilt åt
Til å stola på
grunnfjell
-dørhella
------------------------------------
Himmelblåe tanker (92)
Økonomisk vekst
vil gi oss en grønn klode
da kan vi nemlig betale
noen for å vaske
de svarte trærne
-ikke sant?
Luftslott (92)
Hva slags glede,
kan man ha av Voltaire,
om man ikke aner hva krekling er?
Hva slags nytte,
kan man ha av Rousseau,
om man aldri har vært på en bondegård?
Hva slags glede,
kan man oppleve selv,
om man aldri har sittet alene en kveld?
Disse spørsmål,
jeg bringer på bane,
mot tvilsom kunnskap og dårlig vane!
Skodde (89)
Skodda sig innover oss
svekkjer våre sansar
gjer oss utrygge
kva er rett å gjera
Med eit lettar ho
alt vert klårt
kva jamra vi oss for
Mine fjell (92)
Det er ikkje lett
å fatte at dei ikkje alltid
har vore som no
fjella
Dei gjev meg ei inderleg ro
fjella
Våk og rype varslar meg
og så er her atter ro
Koke opp ein kaffi-skvett
legge innpå ein bit skrå
Titte ut og sjå dagen eldast
Nordfjella, Villfjella, mine fjell
Bror i ånden (92)
På leit etter andre
som undrar seg
ein bror ved ei grind
ein stad på min veg
tankar er blodet
som blandar seg
slik vert bror min
ein del av meg
Mi hylle (92)
Eg undrast
om ho finnes
-mi hylle
passe brei
passe lang
-mi hylle
Når sola er borte midt på dagen (04)
tenker jeg at det er rart
rart om voksne bestemmer seg for å få barn
uten å tenke etter om det er rett,
om verden er slik at det er rett å føde barn inn i den
Når sola skinner tenker jeg at det vel er slik at vi er dyr vi og
Og at livet derfor er noe som skal gå videre
slik alle dyr vil at det skal
vi også
Andre igjen mener vi er mer enn dyr
Tror på evig liv
religion og Paradis
For dem er det kanskje lettere
Hvordan kan man føde barn om man ikke er sikker på at livet er verdt å leve
Egoisme?
Fordi det føles naturlig. Biologi?
Spørsmål om natur og eksistens. Tunge spørsmål.
Så skinner sola, folk smiler og naturen lever
Så godt det er
Min dag
Eg sit her under treet
med ei god kjensle
ei god kjensle fell på
Eg neier, bukker
klapper i hendene
viser meg fram
for dei som vil sjå
For idag er eg helten, klovnen
idag må eg leva
leva så mykje som rå
Mi bu (93)
Sunnhellerhytta
på bratte bergi
er du tufta
på berre trass
Men du vert nytta
med tak og veggji
heldt du føyka
frå min madrass
Hvitt hus (94)
Å bygge
et stort og hvitt hus
i Hol
vil gå an
vil være et signal
en nyskapning
et fremskritt
Danse me ulver (96)
Jeg er ei gjest i naturen
nei ei er jeg gjest
der hvor ulvene danser
der trives jeg best
Der hvor ulvene danser
der vil jeg bo
der hvor ulvene danser
der finnes det ro
Spør ikke om stedet
for stedet er mitt
vil du danse med ulver
så finner du ditt
Du må elske naturen
du må finne deg selv
der hvor ulvene danser
der renner en elv
Du må kjenne den elven
du må drikke dens vann
du kan danse med ulver
men det krever sin mann
Det krever ditt hjerte
det krever ditt sinn
vil du danse med ulver
må du slippe dem inn
Når du danser med ulver
så tenker du at
- dette er livet -
dets dag og dets natt
Fornemme (97)
Hvis en sjaman er en som vet
er jeg en som fornemmer
